გაითვალისწინე, რომ საიტზე წარმოდგენილი ინფორმაცია არ არის ფინანსური რჩევა. საინვესტიციო გადაწყვეტილება მიღებული უნდა იქნეს დამოუკიდებელი კვლევის საფუძველზე.

წარმოდგენილი ინფორმაციის გათვალისწინებით დამდგარი პოტენციური ზარალის გამო, თიბისის ჯგუფში შემავალი არცერთი სუბიექტი პასუხს არ აგებს.

თიბისი კაპიტალის პროგრამაში ჩართვის სანაცვლოდ ჯილდოს მიღების პირობები:

ანგარიშის დაზღვევა

თქვენი საინვესტიციო ანგარიშის შენახვას თიბისი კაპიტალის პარტნიორი საბროკერო კომპანია DriveWealth LLC უზრუნველყოფს. ეს არის აშშ-ში დაფუძნებული კომპანია, რომელიც ამერიკის ფინანსური ინდუსტრიის მარეგულირებელი ორგანოსა (FINRA) და ინვესტორთა დაზღვევის კორპორაციის (SIPC) წევრია. SIPC თქვენი აქტივების, როგორც ფასიანი ქაღალდების, ასევე ნაღდი ფულის დაზღვევას უზრუნველყოფს. SIPC-ის დახმარება საჭირო მხოლოდ მაშინ იქნება, თუკი DriveWealth LLC გადახდისუუნარო გახდება და აქტივებთან წვდომა შეგეზღუდებათ, რისი რისკიც დაბალია. საერთო ჯამში, კორპორაცია 500,000 დოლარამდე აქტივების დაზღვევას უზრუნველყოფს. მეტი ინფორმაციისათვის ეწვიეთ www.sipc.org

3%-მდე სარგებელი

საინვესტიციო ანგარიშზე ნაღდი ფულის არსებობის შემთხვევაში, თქვენ პერიოდული სარგებლის მიღებას შეძლებთ, რომელიც წლიურად დაახლოებით 3%-ს შეადგენს დოლარში. სარგებლის გადახდას არა უშუალოდ თიბისი კაპიტალი, არამედ DriveWealth LLC უზრუნველყოფს Cash Management Program-ის ფარგლებში. გაითვალისწინეთ, რომ სარგებლის დარიცხვა მოხდება ყოველთვიურად, თუმცა საპროცენტო განაკვეთი შეიძლება შეიცვალოს, რადგან მისი მოცულობა პირდაპირაა დამოკიდებული საბაზრო ფაქტორებზე და აშშ-ის ფედერალური სარეზერვო ბანკის გადაწყვეტილებებზე.

მყისიერი განაღდება

მყისიერი განაღდების შემთხვევაში, მოქმედებს 2,500-დოლარიანი ლიმიტი. ამ მეთოდით ანგარიშიდან გატანა შეიძლება მხოლოდ იმ თანხის, რომელიც ინვესტირებული არ არის და ნაღდი ფულის სახითაა წარმოდგენილი. გაითვალისწინეთ, რომ პორტფელიდან აქტივების გაყიდვის შემდეგ, უნდა გავიდეს გარკვეული პერიოდი, რათა ტრანზაქცია დასრულებულად ჩაითვალოს და თანხა გასანაღდებლად ხელმისაწვდომი გახდეს. პროცესის დასრულების სტანდარტული პერიოდია: ტრანზაქციის განხორციელების დღეს დამატებული ორი სავაჭრო დღე.

რა უნდა იცოდე საკომისიოს შესახებ
თიბისის საინვესტიციო პლატფორმაზე ყველანაირი საკომისიო მოხსნილია. საკომისიო მოქმედებს მხოლოდ შემდეგ 2 შემთხვევაში:

1. ხუთი ტრანზაქციის შემდეგ - $0.5 ერთ ტრანზაქციაზე;

2. $5 ან ნაკლები ღირებულების მქონე აქციების (Penny Stocks) ყიდვა-გაყიდვის დროს - $0.02 თითო აქციაზე (მინ. $0.5).