მაკრო-სექტორული მიმოხილვა

29 ოქტ, 2020
image
  • ვირუსის გავრცელების ტემპი მნიშვნელოვნად იზრდება და რიგ ქვეყნებში ბრუნდება მობილობის მკაცრი შეზღუდვები, ამასთან ფატალობის მაჩვენებელი დაბალი რჩება, რაც სხვა ფაქტორებთან ერთად მკურნალობის გაუმჯობესებულ მეთოდებს უკავშირდება
  • ტურიზმის მოლოდინები კვლავ გაუარესდა, თუმცა ნარჩუნდება ხედვა, რომ საქართველოში შეზღუდვების მოხსნის შემდგომ აღდგენა სწრაფად მოხდება
  • არა-ტურისტული ეკონომიკის აღდგენა მოსალოდნელზე ძლიერია, ამასთან, შეზღუდვების გაზრდილი ალბათობა და რეგიონული კონფლიქტი რისკებს წარმოადგენს. მოსალოდნელია, რომ ფისკალური სტიმული დაგეგმილზე ძლიერი იქნება
  • 2021 წლის მეორე ნახევრამდე რეფინანსირების განაკვეთის შემცირება არ არის მოსალოდნელი. ასევე, საგარეო დაფინანსების არსებული გეგმის პირობებში სავალუტო ინტერვენციების გასაგრძელებლად რესურსი საკმარისია, თუმცა ევრობონდის დაფარვის გეგმა გარკვეულ რისკებთან შეიძლება იყოს დაკავშირებული
  • ლარის ეფექტური კურსის არსებულ დონეზე შენარჩუნების პირობებში ინფლაცია მომდევნო თვეებში სამიზნე მაჩვენებელთან ახლოს დარჩება
  • მიუხედავად ლირის და რუბლის გაუფასურებისა, ლარის ეფექტური კურსი არ გამყარებულა. რეგიონის ვალუტების დაახ. არსებულ დონეზე შენარჩუნება და სავალუტო ინტერვენციების გაგრძელება ლარის არსებულ დონესთან ახლოს შენარჩუნების წინაპირობაა. ამასთან, აშშ-ის საპრეზიდენტო არჩევნებში ბაიდენის გამარჯვება განვითრებადი ქვეყნების ვალუტებისთვის პოზიტიური განვითარება იქნება
  • განთავსების სექტორში ტურიზმის გაუარესებული მოლოდინების ფონზე 2021-2022წ. დოლარის RevPAR-ის გაუარესებაა მოსლაოდნელი
  • საცხოვრებელი უძრავი ქონების სექტორში მოლოდინების მცირედ გაუარესება ძირითადად ბათუმის ნეგატიურ დინამიკას უკავშირდება, სადაც როგორც რაოდენობის, ისე გასაყიდი ფასის უფრო მკვეთრი კლება მოსალოდნელი; ივლისის შემდეგ გაცემულ იპოთეკებში სუბსიდირების წილი დაახ. 1/3 შეადგენს
  • კომერციული უძრავი ქონების სექტორში ეპიდ-სიტუაციის გართულებასთან ერთად სექტემბერ-ოქტომბრის თვეებში სავაჭრო ცენტრებში მობილობის კლება ფიქსირდება, ხოლო ოფისში მობილობის კლება ამ დროისათვის წლიურად დაახ. 20-25%-ის ფარგლებში შეჩერდა. შედარებით გრძელვადიან პერიოდში დაქირავებით დასაქმების ზრდა და ურბანიზაცია საოფისე ფართებისთვი დადებითი ფაქტორია
მოგვწერე